Lou castèu de ma maire

« Lili sabié chasque valoun, chasque vabre, chasque draiòu, chasco péiro d'aquélei couelo... De mai, sabié leis ouro e leis us dóu gibié ! »

Après la casso à la bartavello que faguè la glòri de soun paire, lou joueine Marcèu Pagnol rescouentro Lili dei Beloun, emé qu vèn ami. La fin de iestiéu es un dramo pèr Marcèu, que duou leissa sei couelo tant eimado pèr intra au licèu. Mai la famiho mounto desenant chasque dissato à la Bastido Novo. La routo es longo. Urousamen, Bousigo, lou picaire dóu canau de Marsiho, li baio uno clau pèr segui lou camin d'aigo passant pèr de prouprieta privado e pèr gagna ensinto un tèms precious. Mai travessa lei castèu coumo de raubo-galino es uno esprovo angouissouso, subretout pèr la maire de Marcèu. D'autant qu'un jour, un gàrdi lei sousprene.