Prizoniad er Ruhr

E Kleder e voe ganet Yann-Loeiz Emili er bloaz 1884. Goude marv e dad, e 1901, e reas war-dro douaroù an tiegezh gant e vreur Saig. Kemer a reas neuze perzh, hag eñ labourer-douar, e krouidigezh Sindikad Kastell. E 1912 ez eas da ober war-dro pajennoù brezhonek ar C' hourrier du Finistère renet gant e vignon Kaourintin An Ourz. Galvet e voe e miz Eost 1914 da vont d'ar brezel. Kavout a reas e vreur Saig en 219vet Rejimant. E-kerz emgann Bapaume e voe lazhet Saig ha prizoniet Yann-Loeiz Emili. Tost pemp bloaz e chomas prizoniad er Ruhr, o labourat war-dro ar puñsoù glaou-douar. Da Nedeleg 1918 e tistroas da Vreizh ha bloaz goude ec'h adkavas e bost-labour er C' hourrier. Mervel az reas d'ar 27 a viz Here 1927.

E eñvorennoù-brezel eo Prizoniad er Ruhr. Embannet oant bet, evit ar wech kentañ, war ar C'hourrier du Finistère.